Garazi arrosez elkartasun lasterketa bat da, emazteentzat, Donibane Garazin, bularreko minbiziaren kontrako borrokaren alde.
Helburua da jakinaraztea eta detekzioaren garrantziaren sensibilizatzea, eritasun hortaz hunkituak diren emazteak sustengatuz.
Donibane Garazirat jiten gira kausa onarentzat, kirol egitera, lagun, kide edo familiaren artean plazer hartzera.
Ibilbidea denentzat egokia da, izan hasiberri ala lasterkazale !
Ibiltzen edo lasterka egiten ahalko duzue, nahi duzuen erritmora, lagun artean. Nahi duzuen denbora hartuko duzue hala ere txalo beroak errezibituko dituzue ! Abiatzearen aintzin, gihar beroketa giro beroan !
Garazi Arrosez-erat etortzea ez da ibiltzea edo lasterka egitea bakarrik. Momentu goxo bat pasatzea da ere bai ! Lasterketa eta gero, partaideen merkatu estalian ibiltzen ahalko zirezte. Hor animazioak eta bularreko minbiziaren detekzioaz informazioak atzemanen dituzue, profesionalen erakusmahaieri hurbilduz. Sarien emaitea eta zozketa bat izanen dira. Ondotik, plater goxoen dastatzera gomitatuak zirezte, Garaziko partaide jatetxeek prestaturik gertakari hortako. Jatetxe jabe eskuzabalek hitzemaiten dute irabaziko duten diruaren zati baten itzultzea Garazi Arrosez-ari, urtean zehar tokiko sendaketa sustengatuen eskaintzeko.
Webgunean xehetasun guziak atzemanen dituzue. Zuen inguruari hitz egin, beste emazte atzeman eta motiba zaitezte ! Entrenatzea baizik ez zauzue gelditzen eta ez ahantz izena emaitea !
